Aaj ho Gaye hai Meri sanso ko 60 saal,
Dehleej pe khada Hun ek Umar ki,
Kursi mere bagal me aaj bhi Khali padi hai,
Aye aur Gaye kayi rehke mere ass pass.
Par himat na Hui kisi ko ek pal bhi guzarne ko mere sath.

Sochta Hun ye silvate Jo Dil pe adhuri padi hai, akhir ye kiski Hain, Teri hoti toh tu samet deta, sayad Teri nahi.

mene dheken hai kaafi chehre ab toh unpe jhurio ki daraaren  najar aati hai. Na jaane kaun hai mere andar Jo is padav pe Meri jindagi ko adhuri aarzoo bna Gaya.

Jawani me nain ladaye thy hmne par vo chehra ab yaad nahi,
kuch anjaan najdik aaye aur kuch jaan ke anjaa
n hogaye. Halaat mere bhi naasaaj thy hm unko kuch keh na paye aur vo samjh ke bhi nasamjh reh gaye.

Dukh nahi is dehleej pe akar ki vo sab achanak Kahan chale Gaye,sath mere ab koi dhikta kyun nahi, Hain mere janm ke sathi par, jindagi ke sathi ab dhiktey nahi. Haalaat kuch bezubaan hai, na keh paenge kabhi.

Sayad kuch pal aur mil jatey jawaani ke toh aaj bhi baag wale aam tod ke khata, dhul mitti me dobara balley aur ball se apne hunar ko aajmata, school ke sathio sang kaan pakad ke ek baar aur class ke bahar khada hojata.

College me dosto sath kuch aur lecture me khidkio se khuud jaata, bike se idhar udhar chup chupake dosto sang nikalta, kabhi apni maa ke hanth ke bane halwe khilata aur khata. Naukri chhod ke sayad kahin door iss duniya ko talashta. Par himat na Hui thi Meri tab kuch usool kayde aur apno ke liye pairon ko samet liya apni hi bnayi bandisho me.

Aaj sath hai sirf yaaden Meri Jo sirf yaaden ban Gayi, aj jaana chahtaa Hun door kahin is Kursi ko chhod ke par Meri kalayion me ab dum nahi. Sochta Hun ab ki kuch alag kia hota toh Kya Kursi Mera sath chhod deti aur thoda jee pata un Palo ko.

Sukun ki golio ko talashtey hue na jaane hmne kitni davayio ka swaad ab Tak chakh Lia hai, ye jism bhi sayad ab galne laga hai, sayad isiliye in kursio ka Sahara hai.

Par abhi bhi aqt hai , sayad kuch badal paata, par Na jaane kyun Aaj bhi mere bagal wali kursi Khali padi hai…

Yours,
S2